Ինչպես տեղեկանում ենք armsport.am-ից, Դոնեցկի «Շախտյորի» պաշտոնական կայքում հարցում էր անցկացվում, թե ո՞վ է թիմի մարտ ամսվա լավագույն ֆուտբոլիստը: Ամենաշատ ձայներ ստացել էր Հայաստանի հավաքականի խաղացող Հենրիխ Մխիթարյանը, ում օգտին քվեարկել էր ֆուտբոլասերների 44,06 %-ը: Բայց լավագույնի կոչմանն արժանացել է Վիլիանը: Բանն այն է, որ այլընտրանքային քվեարկության ժամանակ Վիլիանի օգտին են քվեարկել երեք լրագրողներ եւ երկու վետերան ֆուտբոլիստներ:
