Ապրիլի 4-ի վաղ առավոտյան Տավուշի մարզի Սեւքար գյուղի մոտ, միջպետական ճանապարհի եզրին փռված էին 8 ոչխարների մարմինները: Սեւքարի բնակիչներից տեղեկացանք, որ մարդատար մի մեքենա է հարվածել ոչխարներին: Գյուղի հոտը՝ մոտ 200 ոչխար հատելիս է եղել ճանապարհը: Վրաերթ կատարած վարորդը ուշ է նկատել, որ ճանապարհի եզրին կայանած մեքենա կա, մոտն էլ մի քանի մարդ, այդ թվում՝ մեկ երեխա եւ չկարողանալով ժամանակին արգելակել՝ ուղղությունը թեքել է դեպի ոչխարների հոտը: Սեւքարի գյուղապետարանից տեղեկացանք, որ վարորդը խոստացել է փոխհատուցել 8 ոչխարների արժեքը:
