![\"\"](\"https://www.aravot.am/2011/aravot_arm/April/2/p4.jpg\")
![\"\"](\"https://www.aravot.am/2011/aravot_arm/April/2/p5.jpg\")
Դավիթ Գրիգորյանը եւ Սասուն Մկրտչյանը:
«Առավոտի» տեղեկություններով՝ ոստիկանության Արմավիրի մարզի քննչական բաժնում հարուցվել է քրեական գործ ՀՀ քրեական օրենսգրքի 178 հոդվածի 2-րդ մասի հատկանիշներով (խարդախություն): Մարտի 31-ին ոստիկանության Արմավիրի մարզի Մեծամորի բաժին է դիմել Մեծամորի 2-րդ մսուր-մանկապարտեզի բուժքույր Լիանա Պետրոսյանը եւ հայտնել, որ ոմն Դավիթ մանկապարտեզում իր ընկերոջ հետ ներկայացել է որպես «Նարեկ Դուրյան» թատրոնի պրոդյուսեր եւ հայտնել, որ իրենց քաղաքի մշակույթի տանը Նարեկ Դուրյանի մասնակցությամբ տեղի է ունենալու «Սե լավի» ներկայացումը: Ոմն Դավիթը մանկապարտեզի կոլեկտիվին վաճառել էր 18000 դրամի տոմս: Սակայն ներկայացումն այդպես էլ տեղի չէր ունեցել: Մեծամորի ոստիկանները պարզել են, որ ոմն Դավիթը հանդիսանում է նախկինում 3 անգամ դատապարտված, որից մեկը՝ Ռուսաստանում, 40-ամյա Դավիթ Գեորգիի Գրիգորյանը, որը բնակվում է Վանաձոր քաղաքում: Իսկ նրա գործընկերը համաքաղաքացի 32-ամյա Սասուն Վազգենի Մկրտչյանն է: Վերջիններս Մեծամորի ոստիկանության աշխատակիցների կողմից բերման են ենթարկվել: Խուզարկությամբ նրանց մոտ հայտնաբերվել են հիշյալ ներկայացման տոմսեր: Պարզվում է նաեւ, որ նրանք «Սե լավիի» 46 000 դրամի տոմսեր են վաճառել Արմավիրի մարզի Նոր Ամասիա գյուղի միջնակարգ դպրոցի տնօրեն Գոհարիկ Ներսիսյանին:
