Չեխիայում անցկացված սիրողական բռնցքամարտի «Grand Prix»-ի 42-րդ խաղարկությունում Հայաստանը ներկայացրած չորս մարզիկներից երեքը՝ Հրաչիկ Ջավախյանը՝ 64 կգ, Արա Պուլուզյանը՝ 60 կգ եւ Տիգրան Արմենակյանը՝ 75 կգ, դարձել են բրոնզե մրցանակակիր: Միայն 56 կգ քաշային Արամ Ավագյանն է անմասն մնացել պարգեւից:
Հունիսի 16-26-ը Անկարայում կայանալիք Եվրոպայի առաջնությանը նախապատրաստվող ազգային հավաքականի մեր բռնցքամարտիկների միջազգային հաջորդ մեկնարկը կլինի Երեւանում՝ ՀԱՕԿ-ի նախագահ Գագիկ Ծառուկյանի մրցանակների խաղարկությունում (ապրիլի 11-17): Ըստ նախնական տվյալների, մրցումների կազմկոմիտեն մասնակցության հայտ ստացել է արդեն քսան երկրից:
