![\"\"](\"https://www.aravot.am/2011/aravot_arm/April/1/p21.jpg\")
Դորտմունդում ավարտվեց ազատ ոճի ըմբշամարտի Եվրոպայի առաջնությունը: Հայաստանի ազգային հավաքականը նվաճեց միայն մեկ արծաթե մեդալ, որն առաջին օրը մեր թիմի հաշվարկին բերեց 74 կգ քաշային Մուսա Մուրթազալիեւը: Իսկ մեր մյուս ըմբիշները ձախողվեցին՝ չհասնելով կիսաեզրափակիչ: Միայն 96 կգ քաշային Էդգար Ենոքյանն էր մոտ կանգնած բրոնզե պատվանդանին, սակայն նա էլ երրորդ տեղի համար պայքարում տանուլ տվեց մոլդովացի Նիկոլայ Չեբանին՝ գրավելով միայն յոթերորդ տեղը:
Մեր մյուս մարզիկները ցույց տվեցին այսպիսի արդյունքներ:
55 կգ. Միհրան Ջաբուրյան՝ 10-րդ տեղ
60 կգ. Աշոտ Տերտերյան՝ 12
66 կգ. Ժիրայր Հովհաննիսյան՝ 16
84 կգ. Հապետնակ Կուրղինյան՝ 10
120 կգ. Ռուսլան Բասիեւ՝ 11:
Մարզասերները հիշում են, որ Հայաստանի ըմբիշներն անցած տարի չմասնակցեցին Բաքվում կայացած Եվրոպայի առաջնությանը, իսկ 2009-ին Հին աշխարհամասի ուժեղագույնների մրցավեճում նվաճել էին մեկ արծաթե եւ երկու բրոնզե մեդալ:
