![\"\"](\"https://www.aravot.am/2011/aravot_arm/April/1/p7.jpg\")
«Պետության կողմից այդպիսի հայտարարություն հնչեցնելը մառազմ է, հիվանդ մարդկանց ելույթներ են, ժամանակավրեպ՝ անցած բաներ են: Ի՞նչ է նշանակում, երբ պետությունը ասում է, որ կոչնչացնի քաղաքացիական ինքնաթիռը: Այդ հայտարարությունը մեկնաբանելու կարիք չկա, բայց ես կարող եմ անել իմ հայտարարությունը: Այդ թռիչքի առաջին ուղեւորը ես եմ լինելու, ես՝ Հայաստանի Հանրապետության նախագահս: Շվեյցարիան ամբողջովին մեզ կպաշտպանի»,- հայտարարել է Հայաստանի նախագահ Սերժ Սարգսյանը Շվեյցարիայի նախագահ Միշելին Քալմի-Ռեյի հետ հետ համատեղ ասուլիսում՝ պատասխանելով հարցին՝ ինչպե՞ս է մեկնաբանում Ադրբեջանի սպառնալիքները՝ խփել Ստեփանակերտ թռչող օդանավերը: Ակնկալվում է, որ Ստեփանակերտի օդանավակայանը կսկսի գործել մայիսի 9-ից: Գաղտնիք չէ, որ Բաքվի հայտարարությունները՝ խփել քաղաքացիական ինքնաթիռները, հակասում են միջազգային կոնվենցիաներին: Հայտնի է, որ Հայաստանն ու Ադրբեջանը ICAO (International Civil Aviation Organization) կազմակերպության անդամ են եւ պարտավորվել են երբեք չխփել քաղաքացիական ինքնաթիռներին:
