Երեկ «Արմավիա» ավիաընկերությունը հետաձգել էր Երեւան-Հռոմ, Երեւան-Մյունխեն, Երեւան-Դելի եւ Երեւան-Ռոստով չվերթները: Ինչպես լրատվամիջոցներին տեղեկացրել է «Արմավիայի» մամուլի պատասխանատու Նանա Ավետիսովան՝ պատճառը օդանավերի անբավարար քանակն է եղել. ընկերության օդանավերից մեկը անսարքություն է ունեցել, մյուսը յոթ օրով գործուղվել է Սեյշելյան կղզիներ, եւս երկուսը տեխզննման մեջ են եղել, արդյունքում՝ թռիչքներ են հետաձգվել: Սակայն Նանա Ավետիսովան երեկ ասել է, որ մարտի 30-ին բոլոր չորս չվերթներն էլ կվերականգնվեն եւ կկարգավորվեն:
