![\"\"](\"https://www.aravot.am/2011/aravot_arm/March/30/p1.jpg\")
![\"\"](\"https://www.aravot.am/2011/aravot_arm/March/30/p1-2.jpg\")
Երեկ, ժ. 12.30-ի սահմաններում, ոստիկանության Նոր Նորքի պահպանության բաժնի պետ, կապիտան Արթուր Հակոբյանն իրեն ամրակցված հաշվեցուցակային «Մակարով» տեսակի ատրճանակով դիմակավորված մտել է Նոր Նորքի Գայի պողոտայում գտնվող «Կոնվերսբանկի» տարածքային մասնաճյուղ եւ այնտեղից հափշտակել խոշոր չափի գումար՝ 1մլն 724 000 ՀՀ դրամ, 6695 ԱՄՆ դոլար, 385 եվրո, 37 800 ՌԴ ռուբլի: Զենքը պահելով բանկի աշխատակցուհու վրա՝ նա պոլիէթիլենային տոպրակը մեկնել է նրան, որպեսզի գումարը լցնի այնտեղ: Բանկից դուրս գալու պահին Արթուր Հակոբյանի ենթական՝ բանկի հերթապահ ոստիկանը, ասում է՝ կանգնիր, սակայն Արթուրը զենքը փորձում է պահել ենթակա ոստիկանի ուղղությամբ: Անհրաժեշտ պաշտպանությունից ելնելով՝ հերթապահը կրակում եւ վնասազերծում է Արթուր Հակոբյանին, որից հետո կատարվածի մասին տեղեկացվում է ՀՀ ոստիկանությանը: Ա. Հակոբյանը վնասվածքներով տեղափոխվում է «Սուրբ Գրիգոր Լուսավորիչ» բժշկական կենտրոնի վերակենդանացման բաժին: «Առավոտի» տեղեկություններով՝ Ա. Հակոբյանը իր շրջապատում ներկայանում էր որպես Երեւանի քաղաքապետի տեղակալ Կամո Արեյանի աներորդի:
