![\"\"](\"https://www.aravot.am/2011/aravot_arm/March/29/p17.jpg\")
Եմենի հարավային Աբյան նահանգի Ջաար քաղաքի զինամթերքի գործարանում պայթյունը 70 մարդու կյանք է խլել: Վիրավորների թիվը հաշվվում է տասնյակներով, հաղորդում է news.am-ը՝ վկայակոչելով ԻՏԱՌ-ՏԱՍՍ-ը: Նախօրեին ձեռնարկությունը գրավել էին գրոհային իսլամիստները: Կառավարական զորքերի եւ իսլամիստական խմբավորումների միջեւ բախման արդյունքում իսլամիստներին հաջողվել էր Ջաարը վերցնել վերահսկողության տակ: Գրոհայինները գրավել էին կառավարական շենքերը, զորանոցները, նաեւ տեղական ռադիոկայանի շենքը: Նրանց ձեռքում էր հայտնվել նաեւ Բատիժի զինագործարանը: Պայթյունը որոտացել է, երբ տեղացիները փորձել են զինամթերք գողանալ գործարանից: Ահաբեկիչների դեմ պայքարը բարդանում է զանգվածային հակակառավարական ցույցերով, որ տեղի են ունենում նախագահ Ալի Աբդալլահ Սալեհի դեմ: Եմենի հարավում, որը մինչ 1990թ. առանձին պետություն էր, ուժեղ են անջատողական տրամադրությունները:
