Մարտի 25-ին, ժամը 02.15-ին ահազանգ է ստացվել, որ Խանջյան եւ Վարդանանց փողոցների խաչմերուկում տեղի է ունեցել ճանապարհատրանսպորտային պատահար: Դեռեւս չպարզված հանգամանքներում բախվել են «Կալին» տաքսի ծառայությանը պատկանող «Լադա Կալինա» մակնիշի 13ՍՍ751 պետհամարանիշով եւ «ՎԱԶ-2115» մակնիշի 07ՏՍ612 պետհամարանիշով ավտոմեքենաները, ինչի հետեւանքով «Լադա Կալինա» մակնիշի ավտոմեքենայի վարորդ՝ 1980թ. ծնված Մարտուն Վարժապետյանը ստացել է տարբեր աստիճանի մարմնական վնասվածքներ եւ մինչ փրկարարների ժամանելը տեղափոխվել Երեւանի «Էրեբունի» բժշկական կենտրոն:
Փրկարարների կողմից «ՎԱԶ-2115» ավտոմեքենայից դուրս է բերվել վարորդ՝ 1983թ. ծնված Անդրանիկ Գասպարյանը, որը տեղափոխվել է «Սուրբ Գրիգոր Լուսավորիչ» բժշկական կենտրոն:
Բժիշկների կողմից տուժածների առողջական վիճակը գնահատվել է միջին ծանրության:
