![\"\"](\"https://www.aravot.am/2011/aravot_arm/March/26/p11.jpg\")
Նոյեմբերյանի Հայ-հունական բարեկամության զբոսայգին քաղաքի ամենատեսարժան վայրն է: Այն կառուցվել է Նոյեմբերյանի բարեկամ հունական Վիրոնա քաղաքի ֆինանսական աջակցությամբ, միջազգային մի շարք կազմակերպությունների օգնությամբ: Ֆինանսական ներդրում է կատարել նաեւ համայնքը: Այգին, բնականաբար, լուսավորության համակարգ ուներ, սակայն հիմա գիշերները թաղվում է խավարի մեջ: Անհայտ չարագործները փշրել են այգու գիշերային լուսավորության ավելի քան 20 լամպերը՝ անվնաս թողնելով այգու մուտքի մեկ լամպ: Քաղաքապետարանը մի քանի անգամ նոր լամպեր է տեղադրել, սակայն դրանք էլ են կոտրվել:
