![\"\"](\"https://www.aravot.am/2011/aravot_arm/March/26/p8.jpg\")
Այն, որ մեր երկրում 2012-ին սպասվող խորհրդարանական ընտրությունները թեժ են լինելու եւ այդ թեժ մթնոլորտն ապահովելու են ՀՀԿ-ն եւ ԲՀԿ-ն, որեւէ քաղաքական վերլուծաբան կասկածի տակ չի դնում: Այդ մասին են վկայում նաեւ այսօր արդեն գրեթե ամեն քայլափոխի բացված ՀՀԿ-ի եւ ԲՀԿ-ի գրասենյակները՝ կուսակցությունների նախագահների՝ ՀՀԿ-ական Սերժ Սարգսյանի եւ ԲՀԿ-ական Գագիկ Ծառուկյանի մեծադիր լուսանկարներով: Չնայած ընտրություններին դեռ մեկ տարի կա, սակայն յուրաքանչյուր համայնքում դրանց թիվը նախորդ տարիների համեմատությամբ կրկնապատկվել, եռապատկվել ![\"\"](\"https://www.aravot.am/2011/aravot_arm/March/26/p9.jpg\")
է: Կուսակցական գրասենյակներն ընտրողներին իրենց կողմը ներգրավելու նպատակով սկսել են նույնիսկ տարատեսակ ծառայություններ մատուցել: Նորք-Մարաշ համայնքում գտնվող ԲՀԿ-ի տարածքային այս գրասենյակը անգամ շաբաթ-կիրակի օրերին չի հանգստանում՝ քաղաքացիներին հրավիրելով անվճար իրավաբանական խորհրդատվության, ինչը կարելի է դիտարկել որպես ընտրակաշառք:
Շենգավիթ համայնքի Բագրատունյաց փողոցում գործող մարզադպրոցներից մեկի շենքում էլ արդեն երկար ժամանակ է՝ տնավորվել է ՀՀԿ-ի գրասենյակը: Երեկ սպորտդպրոցի հեռախոսները ողջ օրվա ընթացքում չէին պատասխանում, որպեսզի տնօրենից պարզեինք, թե կուսակցությունն ի՞նչ հիմունքներով է այնտեղ գործում, սակայն նկատենք, որ «Ընտրական օրենսգրքով» կրթամշակութային օջախներում արգելվում է նման գրասենյակների գործունեությունը:
