ԶԼՄ-ները տեղեկացնում են, որ երեկ, ժամը 03.30-ին, «Զվարթնոց» օդանավակայանի ոստիկանության գծային բաժնում ահազանգ է ստացվել, որ Մոսկվա-Երեւան թիվ 191 չվերթի ինքնաթիռում խուլիգանություն է կատարվում, որի գործող անձինք, ամենայն հավանականությամբ, ֆուտբոլասերներ են: Օդանավակայանի գծային ոստիկանության աշխատակիցները վայրէջքից հետո խուլիգանություն կատարելու կասկածանքով բերման են ենթարկել ՌԴ վեց քաղաքացիների, որոնք հասարակական կարգը խախտելով՝ միմյանց հայհոյել են, հարվածներ հասցրել՝ մարմնական վնասվածքներ պատճառելով: Վկայություններ կան, որ նրանք հարբած են եղել: Նրանց նկատմամբ քրեական գործ է հարուցվել: Ընթանում է նախաքննություն:
