Reuters-ի մատուցմամբ, Առողջապահության համաշխարհային կազմակերպությունը՝ ԱՀԿ-ն, համարում է, որ Ճապոնիայում երկրաշարժի եւ ցունամիի հետեւանքով վնասված ատոմային էլեկտրակայանից տարածվող ռադիացիան, ըստ ամենայնի, իրենից անմիջական վտանգ չի պարունակում: Այդ մասին ԱՀԿ-ն հայտարարել է ուրբաթ օրը: «Տվյալ պահին չկան փաստեր, որոնք կվկայեն, որ ռադիացիան տարածվել է ռեակտորների տեղակայման վայրի սահմաններից դուրս»,- հայտարարել է ԱՀԿ-ի ներկայացուցիչ Մաքյլ Օ՝ Լիրին՝ հավելելով, որ կազմակերպությունը շարունակում է հետեւել իրավիճակին:
Փորձագետները մտահոգություն ունեն, որ ԱԷԿ-ից ռադիոակտիվ նյութերի արտահոսքը կարող է սպառնալ մարդկանց առողջությանը: Օ՝ Լիրին ենթադրել է, որ տեղի ունեցածի ազդեցությունը Ճապոնիայում ու Չինաստանում աննշան կլինի:
