Հայ ազգային կոնգրեսի՝ մարտի 17-ին կայացած հանրահավաքին մասնակցում էին ԵՊՀ բազմաթիվ դասախոսներ, չնայած այն բանին, որ ԵՊՀ ռեկտորը «աչքեր ու ականջներ» է ուղարկում՝ իր աշխատակիցներին հետեւելու համար: Դրանց թվում են ԵՊՀ ռեկտոր Արամ Սիմոնյանի օգնական, բուհի խորհրդի քարտուղար Դավիթ Հայրապետյանն ու տեղեկատվության եւ հասարակայնության հետ կապերի վարչության պետ Կարեն Գրիգորյանը: Մասնավորապես վերջինս, որ ՀԱԿ-ի «արեւով չի երդվում», անցնում էր՝ տարածքը աչքերով «սանրելով»: Հավանաբար Կ. Գրիգորյանին թվում է, թե ԵՊՀ տեղեկատվության եւ հասարակայնության հետ կապերի վարչության պետի հիմնական լիազորությունը ԵՊՀ-ի ոչ ՀՀԿ-ական աշխատակիցների վրա «գործ տալն» է:
