ԱՄՆ պետքարտուղար Հիլարի Քլինթոնը հայտարարել է, թե չի ցանկանա շարունակել պաշտոնավարել, եթե ԱՄՆ նախագահ Բարաք Օբաման երկրորդ անգամ հաղթի 2012թ. ընտրություններում եւ շարունակի մնալ Սպիտակ տանը: Այդ մասին հաղորդում է news.am-ը՝ վկայակոչելով Mignews-ը: Վերջինիս հարցին, թե՝ կցանկանա՞ր երկրորդ ժամկետում զբաղեցնել երկրի գլխավոր դիվանագետի պաշտոնը, Քլինթոնը հստակ եւ ոչ մի կասկածի տեղ չթողնող պատասխան է տվել՝ «ոչ»:
Հետո պետքարտուղարը սկսել է թվարկել այն պաշտոնները, որոնք մտադիր չէ հետագայում զբաղեցնել: Ըստ այդմ, նա չի ցանկանում զբաղեցնել պաշպանության նախարարի, փոխնախագահի եւ անգամ ԱՄՆ նախագահի պաշտոնները: Այս մասին Քլինթոնը հայտնել է Կահիրեում CNN-ի թղթակցին տված հարցազրույցում:
