Գերմիջին քաշային կարգում IBF-ի չեմպիոն, կանադացի Լուչան Բուտեն շաբաթ օրը Մոնրեալում կայանալիք Բրայան Մագիի հետ մենամարտում պետք է պաշտպանի չեմպիոնական գոտին: Հիմա նա գերադասում է չանդրադառնալ իր առաջիկա մենամարտին, սակայն հաճույքով իր տեսակետն է արտահայտել «Super Six»-ի կիսաեզրափակչի մասնակիցների մասին: «Բոլոր չորս բռնցքամարտիկներն էլ լավն են եւ ես բոլորին էլ հարգում եմ: Սակայն Կարլ Ֆրոչ-Արթուր Աբրահամ մենամարտը դիտելիս չտեսա այն խնդիրների պատասխանները, որոնք նրան կարող է առաջադրել Անդրե Ուորդը: Կարծում եմ, վճռորոշ մենամարտում հաղթողին որոշելու համար լավագույն տարբերակը կլինի Ուորդ-Ֆրոչ հանդիպումը եւ դա հիասքանչ պայքար կլինի,- ասել է Բուտեն:
