ՀՀ նախագահ Սերժ Սարգսյանին են դիմել ցմահ ազատազրկման դատապարտվածների հարազատները: Նրանք տեղեկացնում են, որ մարտի 12-ից հացադուլի են նստել ցմահ դատապարտյալները: Վերջիններս պահանջում էին, որպեսզի լսեն իրենց բարձրացված հարցերը. «ՔԿՀ ադմինիստրացիան լսելով ցմահների խնդրանքները, հաշվի առնելով նրանց հոգեվիճակը, որոշում է կայացրել ճաղավանդակները տեղադրել այնպես, որ հոգեբանական ճնշում չառաջացնի ցմահ դատապարտյալների համար: Ադմինիստրացիան անգամ խոստացել է, որ վերանայի տեսակցությունների տրամադրման կարգը, լուծում տրվի չոր կերակրի հարցին, հաշվի առնելով դատապարտյալների առողջական վիճակը»:
Դատապարտյալները երեկ դադարեցրել են հացադուլը՝ հավատալով խոստումներին:
«Առավոտի» տեղեկություններով, պատժախուց է տեղափոխվել դատապարտյալ Ստեփան Գիրգորյանը: Նրան մեղադրում են արտաքին աշխարհի հետ կապ ունենալու համար: Մեզ հայտնի է դարձել, որ ցմահ ազատազրկվածների համար նախատեսվում է առաջիկա ամսին շինարարություն սկսել՝ մենախուց կառուցելու համար:
