Երեկ խմբագրություն էին եկել 8, 5 տարվա ազատազրկման դատապարտված Կարեն Մելքոնյանի կինը՝ Եղիսաբեթ Կարապետյանն ու մայրը՝ Անահիտ Մելքոնյանը:
Նրանք տեղեկացրին, որ դեկտեմբերի 29-ին Կարենը տեղափոխվել է ԱՆ «Վանաձոր» ՔԿՀ-ի փակ տեսակի ուղղիչ հիմնարկ: Մինչ այդ նա գտնվել է «Սեւան» ՔԿՀ-ում:
Մելքոնյանի հարազատները տեղեկացրին, որ իրենց որդին հացադուլ է հայտարարել, մինչ այդ դիմում էր ներկայացրել, որպեսզի իրեն տեղափոխեն «Հրազդան» ՔԿՀ՝ կապված «անմարդկային» պայմանների հետ:
Կարեն Մելքոնյանի կինը դիմել էր ՔԿՀ պատասխանատուներին, որպեսզի նրան գոնե Երեւանին մոտ գտնվող ԱՆ ՔԿՀ-ում փակ տեսակի ուղղիչ հիմնարկ տեղափոխեն: ՔԿՀ պետի տեղակալ Ռ. Հովհաննիսյանը պատասխանել էր, որ «Երեւանին մոտ գտնվող ԱՆ ՔԿՀ-ում փակ տեսակի ուղղիչ հիմնարկում դատապարտյալներ պահելու համար նախատեսված լրակազմը համալրված է, այդ պատճառով Ձեր խնդրանքը ապահովել հնարավոր չէ»: Երեկ դեռ հացադուլը շարունակվում էր:
