Առաջիկայում ջրօգտագործողների համար ոռոգման ջրի սակագները չեն փոխվելու: Կառավարության այս որոշման մասին լուրը դեռեւս չի հասել ջրօգտագործողներին: «Առավոտի» հետ զրույցում ջրային ոլորտի զարգացման եւ բարեփոխումների ԾԻԳ ներկայացուցիչը նշեց, որ սակագների փոփոխության մասին առայժմ խոսք չկա. «Ընդամենը կառավարությունը որոշել է պարտքերից ազատել այն ջրօգտագործողներին, որոնք ժամանակին չեն կատարել վճարումները: Ջրօգտագործողների միայն 20%-ն է, որ սիստեմատիկ չի վճարում, մնացածը պարտաճանաչ վճարում է: Ստացվում է, որ կառավարությունը աջակցում է չվճարողներին»: Ջրօգտագործողների միության ինժեներ Իսրայել Հովասյանն էլ մեզ հետ զրույցում ասաց, որ պարտաճանաչ վճարողը տուժում է, իսկ չվճարողներն էլ օգտվում են. «Անարդար է: Հուսով եմ, որ քայլեր կանեն պարտաճանաչներին խրախուսելու»:
