Իրականությանը չի համապատասխանում այն լուրը, թե կառավարությունը նախատեսում է ներգրավել 1 մլրդ դոլար նոր վարկային միջոցներ։ Այս մասին tert.am-ին ասաց վարչապետի օգնական Արամ Անանյանը՝ մեկնաբանելով ՀԱԿ տնտեսագետ Վահագն Խաչատրյանի հայտարարությունը, թե Տիգրան Սարգսյանը պետք է Բրյուսել մեկնի եւ այնտեղ 1 մլրդ դոլարի պարտք խնդրի: Ըստ Անանյանի՝ մարտի 15-17-ը վարչապետ Տիգրան Սարգսյանի բրյուսելյան աշխատանքային այցի օրակարգով նման հարցերի քննարկումներ ընդհանրապես նախատեսված չեն: Հիշեցնենք, որ երեկվա ասուլիսին Վահագն Խաչատրյանն ասել էր, որ ՀԱԿ-ը եվրոպական կառույցներից տեղեկություններ ունի այն մասին, որ առաջիկայում վարչապետը պետք է Բրյուսել մեկնի եւ այնտեղ 1 մլրդ դոլար պարտք խնդրի:
