«Ընդդիմության միավորման, ընդհանուր պլատֆորմ ձեւավորելու հարցը չի լուծվում այն պատճառով, որ ընդդիմադիր ուժերի նպատակները տարբեր են»,- tert.am-ի փոխանցմամբ՝ երեկ կարծիք է հայտնել Ժողովրդական կուսակցության նախագահ Տիգրան Կարապետյանը՝ ավելացնելով, որ կա ընդդիմություն, որն աթոռակռիվ է տալիս՝ «խոսքը ՀԱԿ-ի կորիզի՝ ՀՀՇ-ի մասին է», եւ կա ընդդիմություն՝ ի դեմս իր կուսակցության, որը «պայքարում է արդարության համար»: Անդրադառնալով ՀԱԿ-ի՝ իշխանություններին ուղղված պահանջագրին էլ՝ ասել է. «Եթե իրենք ասում են, որ նախագահը լեգիտիմ չէ, եւ պահանջագիր են ներկայացնում, դրանով լեգիտիմացնում են նախագահին»:
ԺԿ նախագահն ասել է նաեւ, որ ինքը պատրաստ է համագործակցել բոլոր ուժերի հետ՝ բացի ՀՀԿ-ից, ՀՀՇ-ից եւ ՕԵԿ-ից: Ինչ վերաբերում է ՀԱԿ-ի հետ համագործակցությանը, Կարապետյանը վստահ է, որ անկախ ամեն ինչից՝ ժողովուրդը պետք է միասին լինի: Նրա խոսքով՝ ՀԱԿ-ի վերջին հանրահավաքը մարդաշատ էր նաեւ իրենց շնորհիվ, քանի որ իրենք իրենց «զանգվածն էլ էին ուղղորդել այնտեղ, որովհետեւ ժողովուրդը լիդերների նպատակների հետ կապ չունի»:
