Այսօր, ժամը 11:00-ին, ԵՊՀ հյուրերի տան հանդիպումների սրահում (Մաշտոցի 52, 2-րդ հարկ, 205 սենյակ) տեղի կունենա մամուլի ասուլիս:
Կանանց իրավունքների կենտրոնը կներկայացնի 2010թ. ընտանեկան բռնության դեպքերի վիճակագրական տվյալները` ելնելով Կենտրոնի «Ազգային թեժ գծին» ուղղած զանգերի եւ այցելությունների թվից:
2010թ. ԿԻԿ-ի «թեժ գծին» եղել է 1777 զանգ, որից 701-ը (39,4%)՝ ընտանեկան բռնության վերաբերյալ (384 առաջնային եւ 317 կրկնվող):
701 զանգից 424-ը (60%) հոգեբանական բռնության վերաբերյալ էր, 264-ը (38%)՝ ֆիզիկական եւ միայն 13-ը (2%)՝ սեռական:
