![\"\"](\"https://www.aravot.am/2011/aravot_arm/March/10/p8.jpg\")
Կիսավեր ու խոնավ տնակներում ապրող վանաձորցի 20 ընտանիք Մարտի 8-ին նորակառույց շենքում բնակարանամուտ են տոնել: Այս նվերը անօթեւան ընտանիքներին մատուցել է բջջային օպերատոր «ՎիվաՍել-ՄՏՍ» ընկերությունը՝ այդ նպատակի համար հատկացնելով 210 մլն դրամ:
Անօթեւան ընտանիքները տեղափոխվեցին իրենց բարեկարգ եւ հարմարավետ բնակարանները՝ լցված նոր հավատով եւ նոր երազանքներով: Այժմ նրանք իրենց երեխաներին կարող են մեծացնել ապահով եւ արժանավայել պայմաններում:
«Մենք կարողանում ենք երազել ու իրականություն դարձնել մեր երազանքները, քանի որ հավատում ենք Հայաստանի ապագային եւ մտածում ենք մեր ազգի մասին»,- բնակարանամուտի ժամանակ ասաց «ՎիվաՍել-ՄՏՍ»-ի գլխավոր տնօրեն Ռալֆ Յիրիկյանը:
