General Atlantic ներդրումային ընկերությունը Facebook սոցիալական կայքը գնահատել է 65 մլրդ դոլար: Այս մասին տեղեկանում ենք panorama.am կայքից:
Ի դեպ, այս նույն ընկերությունը մտադրված է ձեռք բերել Facebook-ի 2.5 մլն արժողությամբ արժեթղթերը, որոնք կազմում են ընդհանուր փաթեթի 0,1%-ը:
Facebook-ը, սակայն, նման գործարքի համաձայնություն դեռեւս չի տվել:
Այս մասին հաղորդում են միջազգային լրատվամիջոցները:
Նշենք, որ տարեսկզբին Digital Sky Technologies ներդրումային ընկերությունը եւ Goldman Sachs բանկը սոցիալական կայքը գնահատում էին 50 մլրդ դոլար:
Համեմատության համար նշենք, որ Ռուսաստանի խոշորագույն մասնավոր նավթային ընկերությունը՝ «Լուկօյլ»-ը, գնահատվում է 62 մլրդ դոլար:
