Newsru.com-ի մատուցմամբ, Մոսկվայում կալանավորվել է մի նեպալցի, որը «Շերեմետեւո» օդակայանում «ականապատել» էր թռիչքի պատրաստ Մոսկվա-Դեյլի ավիաչվերթը: Նա պնդել էր, թե կարողանում է գուշակել ապագան, եւ թռիչքի ընթացքում օդանավի պայթյուն է կանխատեսել:
Ինքնաթիռի ուղեւորներից մեկը զանգահարել էր օդակայանի դիսպետչերին ու հայտնել, որ «այդ ինքնաթիռը տեղ չի հասնելու եւ օդում պայթելու է»:
Այդ տեղեկությունը ստուգելու համար գործի էր դրվել օդանավակայանի ներքին գործերի ողջ անձնակազմը: Ինքնաթիռը տեղափոխվել էր անվտանգ վայր, իսկ ուղեւորները տարհանվել էին: Ինքնաթիռի, ուղեւորների ու նրանց բեռների կրկնակի ստուգման արդյունքում պայթուցիկ որեւէ սարք չի հայտնաբերվել:
Իրավապահ մարմինները ձերբակալել են նեպալցի «գուշակին»:
