ՀՀ կրթության եւ գիտության նախարար Արմեն Աշոտյանը հրամաններ է ստորագրել «Երեւանի պետական տնտեսագիտական համալսարան», «Երեւանի Մ. Հերացու անվան պետական բժշկական համալսարան», «Երեւանի թատրոնի եւ կինոյի պետական ինստիտուտ», «Երեւանի ճարտարապետության եւ շինարարության պետական համալսարան», «Գավառի պետական համալսարան» պետական ոչ առեւտրային կազմակերպությունների ռեկտորների աշխատանքային պայմանագրերը լուծելու վերաբերյալ:
Նախարարի համապատասխան հրամաններով մարտի 9-ից տվյալ պետական ոչ առեւտրային կազմակերպությունների ռեկտորների պաշտոնակատարներ են նշանակվել.
«Երեւանի պետական տնտեսագիտական համալսարան»- Կորյուն Աթոյանը,
«Երեւանի Մ. Հերացու անվան պետական բժշկական համալսարան»- Դերենիկ Դումանյանը,
«Երեւանի թատրոնի եւ կինոյի պետական ինստիտուտ»- Արմեն Մազմանյանը,
«Երեւանի ճարտարապետության եւ շինարարության պետական համալսարան» -Հովհաննես Թոքմաջյանը,
«Գավառի պետական համալսարան»- Ռուզան Հակոբյանը:
Ռեկտորների ընտրությունները տեղի կունենան համապատասխան կարգով եւ սահմանված ժամկետներում:
