Եգիպտոսի ժամանակավոր իշխանությունների լիազորությունները ստանձնած Զինված ուժերի գերագույն խորհուրդը հինգշաբթի օրը հայտարարություն է հրապարակել, որում հաղորդել է վարչապետ Ահմեդ Շաֆիկի պաշտոնանկության մասին: Նոր կառավարություն ձեւավորելու հանձնարարական ստացել է Եգիպտոսի տրանսպորտի նախկին նախարար Էսսամ Շարաֆը: BBC-ի փոխանցմամբ, Եգիպտոսում Մուբարաքի ռեժիմի տապալումից հետո եւս տեղի ունեցած բողոքի ակցիաների մասնակիցները պահանջում էին հենց Ահմեդ Շաֆիկի եւ կառավարության մյուս բարձրաստիճան պաշտոնյաների հրաժարականը՝ համարելով, որ նրանք Մուբարաքի իշխանության մի մասն են:
