Թե ինչու են վերջին տարիներին նվազում պետական մասնակցությամբ ձեռնարկությունների շահույթները, կպարզի կառավարությունը՝ որոշ խստացում կատարելով ձեռնարկությունների բաժնեմասերի կառավարելիության հարցում:
Վարչապետի խոսքով. «Բավականին խիստ ու հստակ կանոններ ենք սահմանում՝ ամբողջական ներկայացնելով, թե ինչ գործիքներով ենք կառավարելու մեր պետական սեփականությունը եւ ինչպես ենք տնօրինելու այն եկամուտները, որոնք ձեւավորվում են այդ ձեռնարկություններում: Խստացնելով վերահսկողությունը՝ արդյունքում ավելի շատ գումարներ կմտնեն պետբյուջե: Սա նաեւ առիթ կդառնա, որ հստակեցնենք՝ արդյոք անհրաժեշտություն կա՞ որոշ ձեռնարկություններում ունենալ պետական բաժնեմաս, թե՞ ավելի նպատակահարմար է այն օտարելը»:
