![\"\"](\"https://www.aravot.am/2011/aravot_arm/March/2/p16.jpg\")
Բրիտանական իշխանությունները դատապարտել են երկրի խոշորագույն British Airways ավիաընկերության նախկին աշխատակցին՝ ահաբեկչության նախապատրաստման համար: Այդ մասին հաղորդում է news.am-ը: Քննության տվյալներով, բանգլադեշցի Ռաջիբ Քարիմը, ով համակարգչային մասնագետ է աշխատել ավիաընկերությունում, ահաբեկչության կազմակերպման ծրագիր է մշակել «թիվ մեկ ահաբեկիչ» դարձած Անվար ալ-Ավլաքիի հետ:
31-ամյա Քարիմը մեղավոր է ճանաչվել մեղադրանքի չորս կետերով, հաղորդում է RBC-ն՝ վկայակոչելով Associated Press-ը: Հանցագործն իրեն մեղավոր է ճանաչել միայն 3 դրվագներով: Դատավճիռը պաշտոնապես հրապարակվելու է 2011թ. մարտի 18-ին:
Հայտնի է, որ Քարիմը 2006-ին միտումնավոր ժամանել է Մեծ Բրիտանիա եւ ընդունվել աշխատանքի British Airways-ում, որպեսզի կարողանա իրագործել ծրագրված ահաբեկչությունը:
