Շատ ամերիկացիներ սատարում են այն առեւտրական ընկերություններին, որոնք գործում են քրիստոնեական արժեքներին համապատասխան:
Ըստ «Barna» հետազոտական խմբի՝ ԱՄՆ-ում կատարած հետազոտության, մեծահասակ ամերիկացիների 43%-ը պատրաստ է առանց մտածելու գնել այդպիսի ընկերությունների արտադրանքը, պատասխանողների 51%-ն ասել է, թե իրենց համար միեւնույն է, եւ միայն 3%-ն է ասել, թե այդպիսի ընկերություններից ոչինչ չի գնի:
Հարցվածների մեկ երրորդը խոստովանել է, որ առավել գերադասում է ապրանք գնել այն ընկերություններից, որոնք սատարում եւ տարածում են քրիստոնեական հավատը: Հարցումը ցույց է տվել, որ քրիստոնեական արժեքների հետեւորդ ընկերությունների նկատմամբ հատկապես մեծ հետաքրքրություն կա Միջին Արեւմուտքի եւ հարավային նահանգների բնակչության շրջանում: Այդպիսի ընկերությունների արտադրանքով հատկապես հետաքրքրված են կանայք եւ տարեց մարդիկ (65 տարեկան եւ ավելի մեծ), փոքր երեխաներ ունեցող ամուսնացած զույգերը եւ ԱՄՆ-ում ժողովրդագրական ճգնաժամի տարիներին (1945-1955թթ.) ծնվածները: Միեւնույն ժամանակ ԱՄՆ-ի 45 տարեկանից երիտասարդ բնակիչներն ավելի քիչ են հետաքրքրված նման ընկերությունների գոյությամբ, իսկ 25 տարեկանից երիտասարդ բնակիչներն ամենից քիչ են հետաքրքրված: Ամերիկյան «C12» ընկերությունների խոշոր ցանցի, որի աշխատանքի հիմքում քրիստոնեական արժեքներն են, տնօրեն Դոն Բերֆուտը նման ձեռնարկությունների հաջողության հիմնական գաղտնիքը համարում է հուսալիությունը եւ ուշադրությունը սպառողի կարիքների հանդեպ: Հարցմանը մասնակցել է ԱՄՆ-ի 18 տարեկան եւ ավելի մեծ տարիքի 1000 բնակիչ:
