Փետրվարի 25-ին Լոռու մարզի ընդհանուր իրավասության դատարանը, դատավոր Վարդուհի Հովնանյանի գլխավորությամբ, որոշում կայացրեց 1-ամսյա կալանքի ենթարկել կաշառակերության մեջ մեղադրվող Վանաձորի թիվ 2 հիվանդանոցի ավագ նյարդաբան Գայանե Գասպարյանին ու «Սպիտակի բժշկական կենտրոն» ՓԲԸ հոգեբույժ-նյարդաբան Ֆիլոմենա Մոսոյանին: Նրանք, ըստ ոստիկանության, բժշկական կեղծ տեղեկանքի դիմաց Ջրաշեն գյուղի բնակչուհի Արմենուհի Ասոյանից 55 000 դրամ կաշառք են ստացել:
Դատարանը մերժեց ոստիկանության Լոռու մարզի քննչական բաժնի երկու ամսով կալանքի վերաբերյալ միջնորդությունը: Դատարանը մերժեց նաեւ բժշկուհիների փաստաբանների միջնորդությունը՝ խափանման միջոց ընտրել գրավի դիմաց ազատ արձակումը:
