![\"\"](\"https://www.aravot.am/2011/aravot_arm/March/1/p11.jpg\")
Երեկ Երեւանի քաղաքապետարանի դիմաց կրկին բողոքի ակցիա էին կազմակերպել բացօթյա առեւտրով զբաղվողները: Նրանք դժգոհում էին, որ արդեն 1 ամսից ավելի մնացել են առանց աշխատանքի, քանի որ քաղաքապետն արգելել է փողոցային առեւտուրը: Ինչպես news.am-ին փոխանցել է ԱԺ պատգամավոր Զարուհի Փոստանջյանը, առեւտրականներին է մոտեցել շուրջ 300 ոստիկան եւ սկսել հրմշտել նրանց, ինչի հետեւանքով ցույցի մասնակիցներից շատերն ընկել են գետնին: Հրմշտոցից քիչ անց ցույցի մասնակից 60-ամյա Խանում Ավդալյանը շտապօգնության մեքենայով տեղափոխվել է հիվանդանոց: Նա ոտքի վնասվածք է ստացել: Կինն առաջինն է ընկել գետնին, իսկ ցուցարարներից մի քանիսն ընկել են նրա ոտքի վրա եւ պատճառել վնասվածք:
