«Երեւան Ջուր» ընկերությունը տեղեկացնում է, որ Վերին Պտղնի գյուղին հարակից տարածքում անհայտ անձանց կողմից զգալի քանակությամբ ժայռաբեկորներ ձորը լցնելու հետեւանքով վթարվել է «Արզական-Երեւան» մայր ջրատարը եւ վայրկյանում 85-90 լիտր ջրի արտահոսք առաջացել: Վթարի հետեւանքով մայրաքաղաքի Արաբկիր վարչական շրջանի եւ հարակից տարածքների սպառողներին ջրամատակարարումը խափանումներով կմատակարարվի: Ընկերությունից հայտնում են, որ խնդրի լուծման նպատակով անհրաժեշտ է կառուցել 200 գծամետր նոր խողովակաշար, որի համար, հաշվի առնելով բարդ տեղանքը, կպահանջվի մոտ 2 ամիս:
