Թուրքիայի քաղաքացիները Լիբիայից հայրենիք տեղափոխվելուց հետո հայտնել են, որ Տրիպոլիում սկսված հուզումների ընթացքում 6 թուրք է ձերբակալվել։ Այդ մասին հաղորդում է news.am-ը՝ վկայակոչելով թուրքական Hurriyet-ը: «Թուրքական ավիաուղիների» միջոցով Թուրքիա տեղափոխված քաղաքացիները հայտնել են, թե Տրիպոլիի օդանավակայանում կան առանց անձնագրի Թուրքիայի քաղաքացիներ, որոնց անձնագրերը վերցրել են աշխատանքի տեղավորման ընկերությունները։ Լիբիայից վերադարձած Թուրքիայի քաղաքացիները հաստատել են լիբիական լրատվամիջոցների տարածած տեղեկությունը, ըստ որի՝ հուզումների ընթացքում 6 թուրք է ձերբակալվել։ Հիշեցնենք, որ Թուրքիայի արտգործնախարար Ահմեդ Դավութօղլուն հայտնել է, որ Լիբիայում սպանվել է Թուրքիայի 27-ամյա քաղաքացի Յունուս Էմրե Չելիքը։
