![\"\"](\"https://www.aravot.am/2011/aravot_arm/February/25/p13.jpg\")
Լոնդոնի դատարանը որոշում է կայացրել Wikileaks կայքի հիմնադիր Ջուլիան Ասանջին արտաքսել Շվեդիա, որտեղ նրան մեղադրում են բռնաբարությունների եւ սեռական ոտնձգությունների մեջ, որի շրջանակներում Շվեդիայի դատախազությունը փորձում է հարցաքննել Ասանջին: Reuters-ի մատուցմամբ, Ասանջը 7 օր ժամանակ ունի դատարանի որոշումը բողոքարկելու համար: «Արտահոսքերի» սկանդալային կայքի հիմնադիրն իր մեղքը չի ընդունում: Նրա փաստաբանները Ասանջի դեմ սկսված հետապնդումներում քաղաքական ենթատեքստ են տեսնում: Նրանց կարծիքով, շվեդական իշխանությունները գործում են ԱՄՆ կառավարության թելադրանքով, որը մտադիր է պատժել Wikileaks-ի հիմնադրին՝ գաղտնի նամակագրության հրապարակման համար: ԱՄՆ-ում Ասանջին սպառնում է մահապատիժ, մինչդեռ Շվեդիան հերքում է, թե գործում է որեւէ երկրի թելադրանքով: Հիշեցնենք, որ Ասանջը ձերբակալվել է Լոնդոնում, դեկտեմբերի 7-ին՝ Շվեդիայի հարցման համաձայն:
