Երեւանի մի շարք բենզալցակայաններում երեկ հերթական անգամ բենզինի եւ դիզվառելիքի գները բարձրացել են 10 դրամով: «Ռեգուլյար» տեսակի բենզինի 1 լիտրն արդեն վաճառվում է 410 դրամով։ Մեկնաբանելով դա՝ բենզինի եւ դիզվառելիքի շուկայի առաջատար «Ֆլեշ» ընկերության փոխտնօրեն Մուշեղ Էլչյանը tert.am-ին ասել է, որ թեեւ իրենք դեռ չեն բարձրացրել վառելիքի գները, բայց մոտ ժամանակներս հնարավոր է՝ բարձրացնեն. «Համաշխարհային շուկայում նավթի գների նման աճի պայմաններում նույնիսկ 410 դրամ գինը բենզինի համար քիչ է, եւ այն պետք է ավելի թանկ լինի»:
