Ֆուտբոլի Հայաստանի բարձրագույն խմբի վերջին առաջնությունը վեցերորդ տեղում եզրափակած Կապանի «Գանձասարը» հաճելիորեն ուրախացնում է իր երկրպագուներին: Աշգաբադում մասնակցելով «Թուրքմենբաշիի գավաթի» խաղարկությանը՝ գլխավոր մարզիչ Աբրահամ Խաշմանյանի ղեկավարած թիմը խմբային մրցաշարում երկրորդ անընդմեջ հաղթանակը տարավ: Այս անգամ կապանցիները մեկ անպատասխան գնդակ անցկացրին Մախաչկալայի «Անժիի» երիտասարդական կազմի դարպասը:
