Գեղարքունիքի մարզպետարանից տեղեկացանք, որ մարզում 2005 թվականից չիչխանի (փշարմավի) հյութ արտադրող «ՍԱՄԷԼՈՆ» ընկերությունը սկսել է արտադրել նաեւ չիչխանի գինի, մտադիր է արտադրել նաեւ չիչխանի օղի: 2009 թվականին արտադրվել եւ ամբողջությամբ Հայաստանում սպառվել է ութ հազար շիշ չիչխանի գինի: 750 գրամանոց մեկ շիշ գինու գինը երեք հազար դրամի սահմաններում է: Մեկուկես կիլոգրամ չիչխանից ստացվում է մեկ լիտր գինի:
Տարեկան 120 տոննա չիչխանի հումքի վերամշակման դեպքում գործարանը կունենա 30 մշտական աշխատատեղ, իսկ բերքահավաքի ժամանակ այստեղ կբացվի մինչեւ 300 ժամանակավոր աշխատատեղ:
