![\"\"](\"https://www.aravot.am/2011/aravot_arm/February/22/p4.jpg\")
Երեկ, ժամը 15.30-ի սահմաններում, Երեւան-Գյումրի ավտոճանապարհի Աշտարակի կամրջի մերձակայքում ականատես եղանք, թե ինչպես էր «ԲՄՎ X 5» 98 PՍ 999 համարանիշի մեքենայի վարորդը հայհոյանքներ տալիս եւ սպառնում Ճանապարհային ոստիկանության տեսուչներին: Մի քանի րոպե նրա եւ ՃՈ աշխատակիցների միջեւ քաշքշուկ տեղի ունեցավ, որից հետո «ԲՄՎ»-ի վարորդը նստեց իր ավտոմեքենան եւ դիմեց փախուստի, ընթացքում սպառնալով, թե «ձեր՝ գայիշնիկներիդ հարցերը լուծելու եմ»: «Առավոտի» տեղեկություններով, «ԲՄՎ»-ի վարորդը 1983թ. ծնված Ռոլանդ Նվերի Սաֆարյանն է: Երեկ Ճանապարհային ոստիկանությունը նրա ավտոմեքենան հայտնաբերելու համար հայտարարել էր ավտոհետախուզում: Ավելի ուշ՝ երեկոյան, մեքենան հայտնաբերվել էր:
