Armchess.am-ը տեղեկացնում է, որ Ռուսաստանի մայրաքաղաքում անցկացված շախմատի «Aeroflot Open» փառատոնի արդյունքներով մեր հանրապետության ներկայացուցիչ Հովիկ Հայրապետյանը լրացրել է գրոսմայստերի, իսկ Հովհաննես Գաբուզյանն ու Վահե Բաղդասարյանը՝ միջազգային վարպետի նորմա: Նույն աղբյուրը տեղեկացնում է նաեւ, որ Ռուսաստանի հյուսիսային մայրաքաղաքում ավարտված Սանկտ Պետերբուրգի կանանց 76-րդ առաջնության եզրափակիչ փուլում երիտասարդ շախմատիստուհի, մեր հայրենակից Ալինա Բալայանը՝ յոթ հնարավորից վաստակելով 5,0 միավոր, նվաճել է փոխչեմպիոնուհու կոչումը:
