![\"\"](\"https://www.aravot.am/2011/aravot_arm/February/19/p11.jpg\")
Բռնցքամարտի Հայաստանի ազգային հավաքականն անհաջող մեկնարկեց Բուլղարիայում մեկնարկած միջազգային ավանդական մրցաշարում, որն այս մրցաշրջանում առաջին արտագնա մրցումն էր գլխավոր մարզիչ Ռաֆայել Մեհրաբյանի թիմի համար: Ռինգ մտած մեր յոթ բռնցքամարտիկներից միայն երկուսին՝ 52 կգ քաշային Նարեկ Աբգարյանին եւ 75 կգ քաշային Արթուր Խաչատրյանին հաջողվեց առաջին մենամարտերը շահել, սակայն նրանք ձախողվեցին արդեն երկրորդ մենամարտում: Իսկ մեր մյուս հինգ տղաները պայքարը դադարեցրին առաջին իսկ փորձից հետո:
