Թեստի հարցերին պատասխանեք «այո»-2 միավոր, «ավելի շուտ՝ այո, քան ոչ»-1 միավոր, «չգիտեմ»- 0 միավոր, «ավելի շուտ՝ ոչ, քան այո»- -2 միավոր, «ոչ»- -1 միավոր:
1. Կգերազանցե՞ք թույլատրված արագությունը, որպեսզի շտապ օգնություն ցույց տաք ծանր հիվանդին:
2. Լավ վարձատրման դիմաց կհամաձայնե՞ք մասնակցել ծանր եւ վտանգավոր արշավի:
3. Դուք փախչող վտանգավոր կողոպտիչի ճանապարհին կկանգնե՞ք:
4. 100 կմ/ժ արագությամբ ընթացող բեռնատարի վրա կանգնած կգնա՞ք:
5. Անքուն գիշերից հետո առավոտյան աշխատանքի կգնա՞ք:
6. Առաջինը կանցնե՞ք շատ սառը գետը:
7. Կտա՞ք ձեր ընկերոջը մեծ գումար՝ համոզված լինելով, որ չի կարողանալու վերադարձնել:
8. Վարժեցնողի հետ կմտնե՞ք առյուծների վանդակը, եթե նա ձեզ հավաստիացնի, որ դա լրիվ անվտանգ է:
9. Առանց ներքին հսկողության կմտնե՞ք գործարանային բարձր խողովակի մեջ:
10. Նախկինում երբեք փորձած չլինելով՝ կղեկավարե՞ք առագաստանավը:
11. Կհամարձակվե՞ք բռնել վազող ձիու պարանից:
12. 10 բաժակ գարեջուր խմելուց հետո կփորձե՞ք հեծանիվ քշել:
13. Կփորձե՞ք առանց գնացքի տոմսի, օրինակ՝ Երեւանից Թբիլիսի գնալ:
14. Կթռչե՞ք օդապարիկով:
15. Կհամարձակվե՞ք մեքենայով շրջագայություն կատարել, եթե ղեկին նստածը ձեր այն ծանոթն է, որը վերջերս ավտովթարի է ենթարկվել:
16. 100 մետր բարձրությունից կթռչե՞ք ներքեւում հրշեջ խմբի կողմից պահված տենդի վրա:
17. Տեւական անկողնային հիվանդությունից ազատվելու համար կգնա՞ք կյանքի համար վտանգավոր վիրահատության:
18. Կփորձե՞ք 50կմ/ժ արագությամբ ընթացող բեռնատարից թռչել:
19. 7 հոգով կբարձրանա՞ք այն վերելակը, որը նախատեսված է 6 հոգու համար:
20. Լավ պարգեւատրման դեպքում փողոցի բանուկ խաչմերուկը կանցնե՞ք:
21. Կանցնե՞ք կյանքի համար վտանգավոր աշխատանքի՝ լավ վարձատրության դեպքում:
22. 10 բաժակ օղի խմելուց հետո կփորձե՞ք տոկոսներ հաշվել:
23. Ձեր ղեկավարի պահանջով բարձր վոլտ ունեցող հոսանքի լարից կբռնե՞ք, եթե նա ձեզ հավաստիացնի, որ լարը հոսանքազրկված է:
24. Մի քանի նախնական բացատրություններից հետո ինքնաթիռ կվարե՞ք:
25. Կգնա՞ք Երեւանից Մոսկվա՝ միայն տոմս ունենալու դեպքում, առանց փողի եւ մթերքի:
Ամփոփեք արդյունքները:
Եթե դուք հավաքել եք «-30 եւ ցածր» միավոր, ապա չափազանց զգույշ անձնավորություն եք:
Եթե հավաքել եք «-30-ից -11 » միավոր, ապա զգուշավոր եք:
«-10-ից +10» միավորի դեպքում՝ միջին իրավիճակային ռիսկ ունեք:
«+11-ից +20» միավորի դեպքում՝ ռիսկի հակվածություն, այնուամենայնիվ, ունեք:
Իսկ «+20 եւ բարձր» միավորի դեպքում դուք անզուսպ ռիսկի հակվածություն ունեք:
