Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում, դատավոր Էդիկ Ավետիսյանի նախագահությամբ, նշանակվել էր «Առավոտի» դեմ Գորիսի հիվանդանոցի տնօրեն Սլավիկ Ամիրյանի հայցի քննությունը: Մինչ դատական նիստը՝ կողմերի ներկայացուցիչներն ակնարկեցին հնարավոր հաշտության մասին: Այդ պատճառով մեր թերթի ներկայացուցիչը՝ ՀՀ փաստաբանների պալատի անդամ Քրիստինե Գեւորգյանը հանդես եկավ դատական նիստը հետաձգելու միջնորդությամբ: Հայցվորի ներկայացուցիչը չառարկեց, եւ դատարանը բավարարեց միջնորդությունը:
