Reuters-ի փոխանցմամբ, Միլանի դատարանը համաձայնել է դատաքննություն սկսել Իտալիայի վարչապետ Սիլվիո Բերլուսկոնիի դեմ հարուցված մեղադրանքի առնչությամբ: Վերջինս մեղադրվում է անչափահաս մարմնավաճառի սեքս ծառայությունից օգտվելու, նաեւ պաշտոնեական լիազորությունները չարաշահելու մեջ. Բերլուսկոնին գործի էր դրել իր դիրքն ու կապերն ու օգնել էր անչափահասին դուրս գալ բանտից, որտեղ նա հայտնվել էր գողություն կատարելու մեղադրանքով:
Դատական առաջին նիստը նշանակված է ապրիլի 6-ին: Այդ մասին հայտարարել է Միլանի դատավոր Քրիստինա Դի Չենսոն:
Բերլուսկոնին շարունակում է հերքել իրեն ներկայացված մեղադրանքները: Այդուհանդերձ, Իտալիայում հարյուր հազարավոր կանայք կիրակի օրը դուրս էին եկել Իտալիայի քաղաքների փողոցներ՝ պահանջելով Բերլուսկոնիի հրաժարականը: Ի նշան իտալացի կանանց հետ համերաշխության, համանման պահանջով կանանց նախաձեռնությամբ ցույցեր էին ընթացել նաեւ Ֆրանսիայում:
