Երեկ, ժամը 23-ի սահմաններում, Հայաստանի փրկարար ծառայության եւ ոստիկանության Մաշտոցի բաժնի աշխատակիցները Կիեւյան կամրջի տակ՝ ծառերի վրայից իջեցրել եւ շտապբուժօգնությանն են հանձնել մի երիտասարդի։ Պարզվել է, որ երիտասարդը 33-ամյա Սերգեյ Այվազյանն է, ով փորձել էր կյանքին վերջ տալ՝ նետվելով Կիեւյան կամրջից, սակայն ընկել էր ծառերի վրա։ Այժմ նա գտնվում է «Արմենիա» բժշկական կենտրոնի վերակենդանացման բաժանմունքում։ Ոստիկանության Մաշտոցի բաժնի հետաքննչական բաժանմունքում նյութեր են նախապատրաստվում։
