Կալիֆոռնիայի համալսարանի Լոս Անջելեսի մասնաճյուղը երեկ հանդես է եկել հայտարարությամբ՝ տեղեկացնելով, որ հայտնի գործարար եւ բարերար Քըրք Քըրքորյանի ներդրումներով ստեղծված «Լինսի» հիմնադրամը որոշել է ինքնալուծարվել՝ իր ունեցած բոլոր միջոցները՝ մոտավորապես $200 մլն, նվիրաբերելով համալսարանին։ Որոշումը վերջնականորեն ուժի մեջ կմտնի, երբ հաստատվի կառավարության կողմից: Այս մասին տեղեկանում ենք tert.am-ից: Նվիրատվության շնորհիվ կստեղծվի «Երազի հիմնադրամը», որը պետք է կրթաթոշակներ տրամադրի ուսանողներին, ինչպես նաեւ հետազոտական եւ կրթական մի շարք ծրագրեր իրականացնի։
