![\"\"](\"https://www.aravot.am/2011/aravot_arm/February/16/p1.jpg\")
![\"\"](\"https://www.aravot.am/2011/aravot_arm/February/16/p1-2.jpg\")
Երեկ, ժամը 15.30-ի սահմաններում, դիմակավորված եւ զինված անձը մուտք է գործել Կասյան 1/1 շենքի 1-ին հարկում գտնվող տարադրամի փոխանակման կետ եւ զենքի սպառնալիքով աշխատակցից պահանջել եղած ողջ գումարը:
Մինչ աշխատողը հանցագործի տված պարկում կլցներ գումարը, ոստիկանության Կենտրոնականի բաժնում օպերատիվ տեղեկություն էր ստացվել, որ նշված հասցեում ավազակային հարձակում է տեղի ունենում: Կենտրոնականի ոստիկանության աշխատակիցները շտապել են նշված հասցե եւ այդ մասին տեղեկացրել նաեւ ոստիկանության Արաբկիրի բաժնի իրենց գործընկերներին: Հենց տարադրամի փոխանակման կետից փախուստի փորձ կատարելու ժամանակ Կենտրոնականի եւ Արաբկիրի բաժնի քրեական հետախուզության բաժանմունքի աշխատակիցները վնասազերծել են դիմակավորված անձին: Նրան տեղափոխել են ոստիկանության Կենտրոնականի բաժին: Պարզվել է, որ ավազակային հարձակում կատարողը երեւանաբնակ, 26-ամյա Վահագն Սամվելի Հարությունյանն է (լուսանկարում): Նա, ըստ իր հայտարարության, աշխատում է «Բոնդուել» ֆիրմայում որպես մենեջեր:
