Այսօր Երեւանի Գարեգին Նժդեհի անվան թիվ 161 դպրոցում կկայանա «Գարեգին Նժդեհ երիտասարդական համախմբում» հ/կ համագումարը: Կազմակերպության նախագահ Վարդան Տարախչյանն «Առավոտին» հայտնեց, որ հնարավոր է համագումարին հիմնեն «Միացյալ Հայաստան» կուսակցություն: Մեր հարցին՝ մի՞թե դպրոցում կարելի է կուսակցական գործունեություն իրականացնել, Տարախչյանը պատասխանեց, որ դրա մեջ ոչ մի վատ բան չկա, մանավանդ՝ բոլոր դպրոցներն էլ ընտրությունների ժամանակ դառնում են ընտրական տեղամասեր, իսկ մանկավարժները՝ «հանրապետականացվում»: Քիչ հետո էլ մեր զրուցակիցը, հակասելով իր նախորդ ասածներին, հավելեց, որ իրենք ընդամենը դպրոցի տարածքն են վարձակալել, ու պարզապես այս դպրոցն են ընտրել, քանի որ այն կրում է Նժդեհի անունը, դպրոցում իրենք հիմնադրել են Գ. Նժդեհի անվան գաղափարական կենտրոն եւ տեղադրել են նրա կիսանդրին:
