Մոսկվայում ընթացող շախմատի «Aeroflot Open» միջազգային մրցաշարում առավել հաջող են մեկնարկել «C» խմբում հանդես եկող մեր հանրապետության ներկայացուցիչները: Խաղացված երկու տուրերում հայաստանցի միանգամից չորս շախմատիստներ՝ Դավիթ Շահինյանը, Սարգիս Մանուկյանը, Արթուր Ղարագյոզյանը եւ Մարկ Բասենցյանը, առավելության են հասել մրցակիցների նկատմամբ եւ 17 առաջատարների մեջ են: Երեկ կայացած երրորդ տուրում Սարգիս Մանուկյանը սպիտակներով խաղալու էր Դավիթ Շահինյանի հետ:
Ուժեղագույնների «A» խմբում գրոսմայստեր Սերգեյ Մովսիսյանը պարտության մատնեց Դմիտրի Բոչարովին, իսկ Տիգրան Լ. Պետրոսյանն ու Ավետիք Գրիգորյանը կեսական միավոր վաստակեցին: Երրորդ տուրից առաջ Մովսիսյանն ու Պետրոսյանը 1,5-ական միավորով ընթանում էին, համապատասխանաբար, 4-րդ եւ 22-րդ, իսկ մեկ միավոր վաստակած Գրիգորյանը՝ 46-րդ հորիզոնականներում:
«B» խմբում Հայաստանի շախմատիստներից Տիգրան Քոթանջյանը (16-րդ տեղ), Հովհաննես Գաբուզյանը (31) եւ Սուրեն Պողոսյանը (33) երկու հնարավորից վաստակել են 1,5-ական միավոր:
